दर्यागाव येथे विद्यार्थ्यांना शैक्षणिक व क्रीडा साहित्य भेट
पाली (वार्ताहर) ः रायगड जिल्हा परिषद प्राथमिक शाळा दर्यागाव येथे स्मार्ट स्ट्रीम फन-की-फेम्स मुंबई या कंपनीतील कर्मचाऱ्यांच्या वतीने विद्यार्थ्यांना नुकतेच शैक्षणिक व क्रीडा साहित्य वाटप करण्यात आले. यामध्ये दप्तर, पाणी बॉटल, कंपास पेटी, सर्व प्रकारच्या वह्या, पेपर पॅड, क्ले, रंगाचे साहित्य, पेन्सिल बॉक्स, टिफिन बॉक्स, की चैन व खाऊ दिले. शाळेसाठी क्रिकेट बॅट, बॅटमेंटेन सेट, फुटबॉल, हॉलिबॉल, दोर उडी यांचा समावेश आहे. सागर धारणकर, महेश मुरकर, रविकांत घाणेकर, विठ्ठल शिंदे, मिलिंद वाडकर, तन्मय सावंत, मोहक लोहिया, मयुरी सावंत, अक्षरा पालशेतकर, जयश विश्वकर्मा या कर्मचारी वृंदाच्या मदतीने विद्यार्थ्यांना साहित्य उपलब्ध झाले. हे साहित्य ग्रामस्थ मंगेश बरगे याचा प्रयत्नातून विद्यार्थ्यांना मिळाले. या कार्यक्रमासाठी शाळा व्यवस्थापन समितीचे अध्यक्ष राम वाघ, उपाध्यक्ष लक्ष्मी हंबीर, गोमा हंबीर, पालक व शाळेचे मुख्याध्यापक धर्माजी तांडेल व शिक्षक राजू बांगारे ग्रामस्थ आदी मान्यवर उपस्थित होते.

फोटो ओळ, पाली, शैक्षणिक व क्रीडा साहित्यासह विद्यार्थी, शिक्षक, स्ट्रीम फन-की-फेम्स कपंनी कर्मचारी व मान्यवर. (छायाचित्र, अमित गवळे)