सकाळ वृत्तसेवा
मुंबई, ता. २० : वांद्रे येथे गॅस सिलिंडर स्फोटात गंभीररित्या भाजलेले अन्सारी दाम्पत्य केईएम रुग्णालयात जीवनमरणाशी झुंज देत आहे. या घटनेत मोहम्मद अहमद अन्सारी (६८) आणि रिहाना अन्सारी (६५) ५० टक्के भाजले आहेत. मुलगा परदेशात काम करतो आणि मुलगी उत्तर प्रदेशात राहते. त्यामुळे आपत्तीदरम्यान शेजाऱ्यांनी रुग्णालयाची जबाबदारी घेतली आहे.
या घटनेत अन्सारी दाम्पत्यासह एकूण १५ जण जखमी झाले आहेत, तर दोन घरांचे नुकसान झाले आहे. शेख कुटुंबातील चौघांना वांद्रे भाभा येथे दाखल करण्यात आले आहे, ज्यात शर्मीन (३२), हसिना (५०), आसिफ (२५) आणि सादिक (२८) यांचे मेहुणे मोहम्मद शरीफ यांचा समावेश आहे. मोहम्मद शरीफ यांनी माझ्या मेहुण्याच्या कुटुंबाच्या शेजारी असलेल्या घरात स्फोट झाला. काहींच्या पायांना दुखापत झाली आहे, तर काहींच्या डोक्याला दुखापत झाली आहे. जफर खान यांच्या मुलीने सांगितले की, तिचे वडील मशिदीत नमाज पढत होते. स्फोट झाल्यावर एक भाग त्यांच्या डोक्यावर पडला. दुसऱ्या रुग्णाने सांगितले की, मी झोपलो होतो. स्फोट झाला तेव्हा काय झाले हे मला कळले नाही. शुद्धीवर आलो तेव्हा ढिगाऱ्याखाली होतो.
------------------------------------
१२ जणांची प्रकृती स्थिर
भाभा रुग्णालयाचे अधीक्षक डॉ. विनोद खाडे यांनी सांगितले की, आमच्यासोबत दाखल असलेले १२ रुग्ण जखमी झाले आहेत, परंतु सर्वांची प्रकृती स्थिर आहे. एका मुलाला आयसीयूमध्ये ठेवण्यात आले आहे; त्याच्या डोक्याला किरकोळ दुखापत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.