२१२ किलो वजनाच्या पुरुषावर लेप्रोस्कोपिक स्लीव्ह गॅस्ट्रेक्टॉमी शस्त्रक्रिया
सहा महिन्यांतच रुग्णाचे ४३ किलो वजन कमी
सकाळ वृत्तसेवा
मुंबई, ता. २० : ४५ वर्षीय पुरुषावर लेप्रोस्कोपिक स्लीव्ह गॅस्ट्रेक्टॉमी शस्त्रक्रिया करीत लठ्ठपणाशी संबंधित समस्यांशी झुंजणाऱ्या रुग्णाला नवजीवन दिले आहे. शस्त्रक्रियेनंतरच्या पहिल्या सहा महिन्यांतच रुग्णाने ४३ किलो वजन कमी केले असून, तो एक निरोगी जीवनशैली जगत आहे. 
आखाती देशात पर्यवेक्षक म्हणून कार्यरत असलेला रुग्ण शर्मा (नाव बदलले आहे)  हे गेल्या काही वर्षांपासून वजन वाढीच्या समस्येशी झुंज देत होता. तीन वर्षांपूर्वी त्यांना उच्च रक्तदाबाचे निदान झाले होते आणि त्यांना ऑब्स्ट्रक्टिव्ह स्लीप ॲप्नियाची समस्या होती. तसेच त्यांना दिवसा झोप येणे, पाठदुखीचा जुनाट त्रास, व्हेरिकोज व्हेन्स, दम लागणे आणि दोन्ही पाय आणि घोट्यांमध्ये सूज येणे यासारख्या समस्या सतावत होत्या. त्याच्या कपाळावर आणि मानेवर अ‍ॅकॅन्थोसिस निग्रिकन्स म्हणजेच इन्सुलिन रेजिस्टंटमुळे त्वचेवर मेलेनिन जमा होते. यामुळे गळ्यासह अंडरआर्म्स आणि मांड्या, कपाळ, मान यासारखे इतर भागदेखील काळपट होते. हे शरीरातील इन्सुलिनच्या जास्त प्रमाणामुळे होते तसेच हे मधुमेहाचे सुरुवातीचे लक्षण असू शकते.

कुटुंबीयांनी डॉ. अपर्णा गोविल भास्कर यांचा सल्ला घेतला. रुग्णाला बॅरिएट्रिक शस्त्रक्रियेची शिफारस करण्यात आली. यामुळे रुग्णाच्या शरीराच्या एकूण वजनाच्या ३५ ते ४० टक्के वजन कमी होऊ शकते.  आता सहा महिन्यांत या रुग्णाचे वजन ४३ किलोपर्यंत कमी झाले आहे आणि एक सर्वसामान्य आयुष्य जगत आहे. दरम्यान, आपण अधिक सक्रिय झाल्याचे रुग्णाने सांगितले.
यामुळे वजन कमी होण्यास होते
२९ जानेवारी रोजी रुग्णावर लेप्रोस्कोपिक स्लीव्ह गॅस्ट्रेक्टॉमीच्या स्वरूपात बॅरिएट्रिक शस्त्रक्रिया करण्यात आली, जिथे त्याच्या पोटाचा दोनतृतीयांश भाग काढून टाकण्यात आला. हे केवळ अन्न सेवनाचे प्रमाण मर्यादित करीत नाही तर वजन कमी करण्यास मदत करणारे, आतड्यांतील संप्रेरक बदलास मदत करते. यामुळे भुकेच्या संप्रेरकाची पातळी कमी होते. यामुळे वजन कमी होण्यास मदत होते.