‘अदाणी’चे वीज कामगार
मंगळवारपासून संपावर
ऐन दिवाळीत उपनगरांत वीज गायब हाेण्याची शक्यता
सकाळ वृत्तसेवा
मुंबई, ता. १६ : उपनगरांत वीज वितरण कंपनी अदाणी इलेक्ट्रिसिटीचे नियमित आणि कंत्राटी कामगार मंगळवारपासून बेमुदत संपावर जाणार आहेत. वीज कामगारांच्या वेगवेगळ्या मागण्यांकडे कंपनीकडून दुर्लक्ष केले जात असल्याचा आरोप करून मुंबई इलेक्ट्रिक कामगार कृती समितीने संपाचा इशारा दिला आहे. त्यामुळे ऐन दिवाळीत उपनगरांतील वीजपुरवठा खंडित होण्याची भीती आहे.
अदाणी इलेक्ट्रिसिटी मुंबई कंपनी आस्थापनातील स्थायी आणि कंत्राटी कामगारांना २०२४-२५साठी २० टक्के दराने बोनस (सानुग्रह अनुदान) रक्कम दीपावली सणापूर्वी देण्याचा समझोता करार चर्चा करून करावा, अशी मागणी ५ सप्टेंबरला मुंबई इलेक्ट्रिक कामगार कृती समितीने कंपनी व्यवस्थापनाकडे केली होती. त्याला कंपनीकडून प्रतिसाद मिळत नाही. याशिवाय रिक्त पदे भरण्यास होणारी टाळाटाळ, पदोन्नती न देणे या प्रकारामुळे वीज कामगारांत तीव्र नाराजी आहे. त्याचाच भाग म्हणून वीज कामगारांनी संपावर जाण्याचा एकमुखी निर्णय घेतला असल्याचे कृती समितीचे अध्यक्ष विठ्ठलराव गायकवाड यांनी आज पत्रकार परिषदेत दिली. संपकाळात वीजपुरवठा खंडित झाल्यास त्याला कंपनी व्यवस्थापन जबाबदार राहील, असा इशारा त्यांनी दिला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.