बेरोजगारांना मिळणार काँग्रेसचे बळ
रोजगार व स्वयंरोजगार विभाग सुरू करणार
मुंबई, ता. ७ ः मुंबई परिसरातील बेरोजगार युवक-युवतींना शिक्षण, रोजगारांपासून ते व्यावसायिक मार्गदर्शनासाठी काँग्रेसने पुढाकार घेतला आहे. त्यासाठी पक्ष रोजगार व स्वयंरोजगार विभाग सुरू करणार आहे. या विभागाचे उद्घाटन मंगळवारी (ता. ९) मुंबईत होणार आहे.
बेरोजगारीमुळे युवकांमध्ये निर्माण झालेली असुरक्षितता, भरती प्रक्रियांतील भ्रष्टाचार, स्पर्धा परीक्षांच्या वारंवार रद्द होणाऱ्या तारखा, गिग व प्लॅटफॉर्म कामगारांचे शोषण तसेच कौशल्यविकास योजनांचा लाभ प्रत्यक्ष लाभार्थ्यांपर्यंत न पोहोचणे, आदी मुद्द्यांवर काँग्रेस पक्ष या विभागाच्या माध्यमातून काम करणार आहे. राज्यातील तरुणांना केवळ नोकरी नाही, सुरक्षा आणि सन्मान हवा आहे. त्यांच्या प्रश्नांना वाचा फोडून, त्यांना योग्य मार्गदर्शन उपलब्ध करून देणे, हे आमचे प्राथमिक ध्येय आहे. त्यासाठी राज्यभरात नावनोंदणी मोहीम राबवणार असल्याचे महाराष्ट्र प्रदेश काँग्रेस कमिटीचे सरचिटणीस आणि रोजगार व स्वयंरोजगार विभागाचे अध्यक्ष धनंजय शिंदे यांनी सांगितले.
--
राज्यातून सूचना मागवणार
तरुणांकडून रोजगार, कौशल्यविकास, उद्यमशक्ती, स्वयंरोजगार, प्रशिक्षण-संस्था, धोरणात्मक सुधारणा आणि भरती व्यवस्थेमधील पारदर्शकतेबाबत सूचना मागविण्यात येतील. त्यानंतर प्रत्येक महसूल विभाग, जिल्हा आणि तालुका स्तरावर याबाबत काम केले जाणार असल्याचे शिंदे यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.