विक्रमगड (बातमीदार) : संत रोहिदास समाज सभागृहात संविधान दिन मोठ्या उत्साहात साजरा करण्यात आला. डॉ. बाबासाहेब आंबेडकर यांच्या प्रतिमेला अभिवादन करून भारतीय संविधानाचे पूजन करण्यात आले. तसेच २६ नोव्हेंबर २००८ रोजी मुंबईत झालेल्या दहशतवादी हल्ल्यातील शहीद पोलिस अधिकारी व जवानांना अभिवादन करण्यात आले. या वेळी विक्रमगड पोलिस ठाण्याचे प्रभारी निरीक्षक रवींद्र पारखे यांना भारतीय संविधानाच्या उद्देशिकेची प्रतिमा भेट देण्यात आली. या कार्यक्रमाला भारतरत्न डॉ. बाबासाहेब आंबेडकर उत्सव कमिटीचे पदाधिकारी, संत रोहिदास महाराज समाज उन्नती मंडळाचे पदाधिकारी व सदस्य, रिपब्लिकन पार्टी ऑफ इंडिया (आठवले गट) पक्षाचे पदाधिकारी कार्यकर्ते उपस्थित होते.