अंबरनाथ, ता. २१ (बातमीदार) : अखिल भारतीय मानवाधिकार संघटनेची ठाणे जिल्हा, तसेच अंबरनाथ तालुका, महिला आघाडीची कार्यकारिणी नुकतीच जाहीर करण्यात आली. संघटनेचे राष्ट्रीय अध्यक्ष डॉ. एम. यू. दुआ यांनी कार्यकारिणीची नियुक्ती केली आहे. महाराष्ट्र प्रभारी अजय श्रीनिवास राव चिरिवेल्ला यांच्या उपस्थितीत पदाधिकाऱ्यांना ओळखपत्रांचे नुकतेच वाटप करण्यात आले. ठाणे जिल्हा महिला प्रमुखपदी दीपा एडविन आणि अंबरनाथ तालुका प्रमुखपदी सुनील अहिरे यांची निवड केली आहे. जिल्हाप्रमुख प्रदीप कुमावत, अंबरनाथ सचिव बाळा सुंदरम मुदलीयर, सहसचिवपदी उस्मान शाह, शामसिंग परदेसी, राजेश सिंग, कार्यवाह सचिवपदी शत्रुघ्न उमाप, कार्यालय सचिवपदी मुन्नालाल उपाध्याय, ठाणे जिल्हा महिला सचिव नीरजा आनंदकुमार, सहसचिव लीना पाल, कार्यवाह सचिव दर्शना चिरीवेल्ला, कार्यालय सचिव अनुपमा अहिरे, कायदेशीर सल्लागार म्हणून प्रफुल्ल थोरात यांची निवड करण्यात आली.