पालघर, ता. ३१ (बातमीदार) : जिल्ह्यातील सहा विधानसभा मतदारसंघात निवडणुकीसाठी ९० नामनिर्देशनपत्रे दाखल झाली आहेत. बुधवारी (ता. ३०) झालेल्या छाननीमध्ये १३ नामनिर्देशनपत्रे विविध कारणाने रद्द झाली असून ७७ अर्ज आता शिल्लक राहिले आहेत. नामनिर्देशनपत्र मागे घेण्याची अखेरची मुदत ४ नोव्हेंबर आहे. हे अर्ज कोणी मागे घेतल्यानंतरच विधानसभेच्या सहा जागांसाठी किती उमेदवार निवडणुकीच्या रिंगणात आहेत, हे समजणार आहे.

विक्रमगड मतदारसंघामध्ये सर्वाधिक सहा अर्ज विविध कारणांनी बाद झाल्याचे प्रशासनाकडून सांगण्यात आले. त्याखालोखाल वसईचा क्रमांक लागतो. पालघर आणि नालासोपारा मतदारसंघात एकही अर्ज रद्द करण्यात आला नाही. विक्रमगडमध्ये सर्वाधिक अर्ज दाखल असून सर्वात कमी इच्छुक उमेदवार बोईसर आणि डहाणूमध्ये असल्याचे समोर आले.

मतदारसंघ दाखल अर्ज बाद नामनिर्देशनपत्र शिल्लक अर्ज
विक्रमगड २१ ६ १५
पालघर १५ ० १५
बोईसर ११ १ १०
नालासोपारा १६ ० १६
वसई १६ ५ ११
डहाणू ११ १ १०