महाराष्ट्र राज्य राष्ट्रीय कामगार संघाच्या कामगार मेळाव्याचे आयोजन

शिवडी, ता. १९ (बातमीदार) ः महाराष्ट्र राज्य राष्ट्रीय कामगार संघाच्या कामगार मेळाव्याचे रविवारी (ता.२०) आयोजन करण्यात आले आहे. पुण्यात श्रेया लॉन्स, चाकण येथे विभागीय कामगार मेळावा पार पडणार आहे. संघटनेचे अध्यक्ष आमदार सचिन अहिर मेळाव्याचे अध्यक्षस्थान भूषविणार असून मेळाव्याचे उद्‍घाटन आमदार बाबाजी काळे करणार आहेत.
पुण्यातील‌ संभाजी काकडे औद्योगिक संबंध आणि संघर्षाचे‌ अर्थशास्त्र या विषयावर मार्गदर्शन करणार आहेत. तर लढाऊ कामगारनेते विश्वास उटगी, कामगारविरोधी नवीन चार संहिता आणि जनसुरक्षेवर आपले विचार मांडणार आहेत, अशी माहिती संघांचे सरचिटणीस गोविंदराव मोहिते यांनी दिली आहे. दरम्यान, ऑल इंडिया भारतीय कामगारसेना महासंघाशी संलग्न असलेल्या राज्य‌ राष्ट्रीय कामगार संघाच्या मुंबई, नवी मुंबई, ठाणे, रायगड, अलिबाग, पनवेल, पुणे, कोल्हापूर, जळगाव‌, नाशिक आदी ठिकाणच्या कंपन्या आणि आस्थापनातील जवळपास ३५ हजार कामगार या युनियनचे सदस्य आहेत