पोलिसांवर हल्ला करणाऱ्या आरोपींना अटक
भिवंडी ता. २० (बातमीदार) : वऱ्हाळादेवी नगर येथे १७ फेब्रुवारी रोजी कारवाईसाठी गेलेल्या पोलिस पथकावर झालेल्या हाणामारी आणि दगडफेकीच्या प्रकरणात नारपोली पोलिस ठाण्याच्या पोलिसांनी गुरुवारी (ता. १७) पाच महिन्यांनंतर मुख्य आरोपीला त्याच्या आठ साथीदारांसह अटक केली आहे. १७ फेब्रुवारी रोजी रात्री ११च्या सुमारास नारपोली पोलिस ठाणे हद्दीतील वऱ्हाळादेवी नगरमध्ये पोक्सो कायद्यांतर्गत दाखल झालेल्या गुन्ह्यातील आरोपींबद्दल माहिती गोळा करण्यासाठी पोलिस उपनिरीक्षक आकाश पवार, पोलिस सुनील शिंदे आणि अब्दुल तडवी यांचे पथक गेले होते. त्याच वेळी उमेश गायकवाड आणि त्याच्या २५ ते ३० साथीदारांनी पोलिस पथकाला शिवीगाळ व धक्काबुक्की केली. तसेच दगडफेक केली. त्यामुळे ते गंभीर जखमी झाले. या वेळी पोलिसांच्या वाहनांच्या काचाही फोडल्या. यासंदर्भात दाखल झालेल्या गुन्ह्यात मुख्य आरोपी उमेश गायकवाड आणि त्याच्या १४ साथीदारांविरुद्ध गुन्हा दाखल केला होता. त्यापैकी आठ जण फरार होते. या आरोपींना गुरुवारी संध्याकाळी अटक केली आहे. उमेश गायकवाड, सचिन सत्ते, ओम वाघमारे, शुभम परुळेकर, आशीष सरवदे, गौरव उके, परमेश्वर गायकवाड आणि आशीष मिश्रा उर्फ भैया, अशी अटक केलेल्या आरोपींची नावे आहेत. शुक्रवारी (ता. १८) या सर्वांना न्यायालयात हजर केले असता त्यांना चार दिवसांची पोलिस कोठडी सुनावली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.