चेंबूर : सुप्रसिद्ध नाटककार, कलावंत शहीद सफदर हाश्मी, यांनी स्थापन केलेल्या जन नाट्य मंच या संस्थेची संशोधक कलावंत कोमिता व सहकलाकार ब्रिजेश यांनी संयुक्तपणे लेखन केलेले व मल्लिका तनेजा यांनी दिग्दर्शित केलेल्या, ‘कभी न खत्म होता काम!’ या हिंदी सडक नाटकाचे ११ प्रयोग १५- १९ ऑक्टोबरदरम्यान मुंबई व नवी मुंबईमध्ये होणार आहेत. आंतरराष्ट्रीय महिला वर्षाला यंदा ५० वर्षे पूर्ण होत आहे. त्यानिमित्ताने महाराष्ट्रातील विविध महिला संस्था कार्यक्रमांचे आयोजन करीत आहेत. स्त्री मुक्ती संघटना, आ. भा. जनवादी महिला संघटना, सीटू कामगार संघटना, एस. एफ. आय. व डि. वाय. एफ. आय. या विद्यार्थी, युवा संघटना १५ ते १९ दरम्यान, भांडूप, पवई, मानखुर्द, मरोळ, कांदिवली, गोरेगाव, प्रभादेवी, अंधेरी, नवी मुंबईतील कोपरखैरणे, बेलापूर आदी ठिकाणी व तमाशा स्टुडिओ अंधेरी येथे नाट्य प्रयोग होणार आहेत, सामाजिक, सांस्कृतिक चळवळीतील कार्यकर्त्यांनी, नाट्यप्रेमी लोकांनी लाभ घेण्याचे आवाहन लोक सांस्कृतिक मंचचे सेक्रेटरी सुबोध मोरे यांनी केले आहे.