‘एक दिवा शहिदांसाठी’ द सोशल यूथ फाउंडेशनचा उपक्रम
ठाणे, ता. २३ (बातमीदार) : द सोशल यूथ फाउंडेशनतर्फे बुधवारी (ता. २२) संध्याकाळी ‘एक दिवा शहिदांसाठी’ हा उपक्रम कचराळी तलाव शेजारील परमार्थ निकेतन येथे राबविण्यात आला. या प्रसंगी उपस्थित सर्व नागरिकांनी दिवा प्रज्वलित करून शहिदांना अभिवादन केले.
दिवाळी, दसरा यांसारखे सण साजरे करताना शहिदांच्या स्मरणार्थ अशा उपक्रमांचे आयोजन करणे आवश्यक असल्याचे आयोजकांनी सांगितले. यामुळे युवा पिढीला शहिदांविषयी जागरूकता निर्माण व्हावी हा या कार्यक्रमाचा हेतू आहे. या वेळी मुख्य अतिथी म्हणून आयुष्मान हॉस्पिटलचे संचालक डॉ. श्याम पांडे, एज्युकेशन प्लस क्लासेसचे संचालक रविंद्र प्रजापती, पर्यावरण प्रेमी पुरुषोत्तम लाल गुप्ता, यादव समाज ट्रस्टचे रामानंद यादव, मनसे शाखाध्यक्ष विनायक नलावडे उपस्थित होते. कार्यक्रमाचे आयोजन द सोशल यूथ फाउंडेशनचे अध्यक्ष प्रदीप यादव, उपाध्यक्ष गजानंद यादव, सचिव अजय कनौजिया, खजिनदार अमित जायसवाल, अरुण यादव, अक्षय खरवार, शिवकुमार प्रजापती, अवनीश निषाद यांनी केले.