मसाला व्यापाऱ्याला लाखोंचा गंडा
नवी मुंबई (वार्ताहर) ः एपीएमसी मसाला मार्केटमधील एका मसाला व्यापाऱ्याकडे पूर्वी कामाला असलेल्या एका कर्मचाऱ्याने ५५ लाखांचा गंडा घातल्याचा प्रकार उघडकीस आला आहे. याप्रकरणी एपीएमसी पोलिस ठाण्यात फसवणुकीचा गुन्हा दाखल करण्यात आला आहे.
एपीएमसीतील मसाला मार्केटमध्ये धारा एंटरप्रायझेस नावाने मसाला, ड्रायफ्रूट, अन्नधान्याचा पीयूष भानुशाली व्यापार करतात. जानेवारी २०२२ पासून जुलै २०२३ पर्यंत त्यांच्याकडे पगारावर नोकरीला होता. भानुशाली यांनी सुनील रावल याच्याकडे लाल मिरची विक्रीचे व्यवहार, व्यापाऱ्यांकडून पेमेंट वसुली, बिलिंग आणि ग्राहकांशी संपर्क याची जबाबदारी होती. सुनील रावलचे वडील जगदीश रावल (६९) भानुशाली यांच्या व्यवसायात दलालीचे काम पाहत होते. सुनील रावलने २५ ग्राहकांकडून तब्बल ५५ लाखांची वसुली केली होती; मात्र त्याने अचानक भानुशाली यांच्याकडील काम सोडून दिले. त्यामुळे भानुशाली यांनी रावल याच्याकडे रकमेची मागणी केली; मात्र पैसे देण्यास टाळाटाळ करीत असल्याने याप्रकरणी तक्रार दाखल केली.