विजेच्या धक्क्याने कामगाराचा मृत्यू

बोईसर, ता. २७ (बातमीदार) : बोईसर तारापूर औद्योगिक क्षेत्रातील साल्को एक्सट्रूजन प्रायव्हेट लिमिटेडमध्ये आज सकाळी विजेच्या धक्क्याने प्रसाद संखे (वय ३६) या तरुण कामगाराचा मृत्यू झाला. प्रसाद सकाळी साडेदहा वाजताच्या सुमारास देखभालीचे काम करीत असताना विद्युत प्रवाहाचा जोरदार धक्का बसला. सहकारी कामगारांनी तत्काळ मदतीला धाव घेत त्यांना खासगी रुग्णालयात दाखल केले, मात्र डॉक्टरांनी तपासणीअंती त्यांना मृत घोषित केले. घटनेची माहिती मिळताच एमआयडीसी पोलिस ठाण्याचे अधिकारी घटनास्थळी पोहोचले आणि पंचनामा करून मृतदेह उत्तरीय तपासणीसाठी ग्रामीण रुग्णालयात पाठवण्यात आला. पोलिसांनी या अपघाताची नोंद औद्योगिक दुर्घटना म्हणून नोंद केली असून, पुढील तपास सुरू आहे.