स्वागत कमानींचा ट्रेलरला फटका
राज्य महामार्गावर काहीकाळ वाहतूक कोंडी
अंबरनाथ, ता.२८ (बातमीदार) ः रस्त्यांवर उभारलेल्या स्वागत कमानींचा फटका ट्रेलरला बसल्याचा प्रकार समोर आला आहे. यामुळे महामार्गावर काही काळ वाहतूक विस्कळीत झाली होती.
गणेशोत्सवा दरम्यान कल्याण-बदलापूर राज्य महामार्गावर उभारलेल्या स्वागत कमानी नवरात्रोत्सव, दसरा दिवाळी झाल्या तरीही उतरवण्यात आलेल्या नाहीत. नगरपालिका मुख्यालयासमोरील चौकात रस्त्याच्या मध्येच उभारलेल्या या कमानींमुळे सोमवारी (ता. २७) अंबरनाथहून उल्हासनगर दिशेला मोठी टाकी घेऊन जाणारा ट्रेलर अडकला. त्यामुळे महात्मा गांधी शाळेसमोर यामुळे काही काळ वाहतूक कोंडी निर्माण झाली होती. वाहतूक पोलिसांनी त्वरित महामार्गावरील वाहतूक सुरळीत केली.