विवाहित महिलेचा पैशांसाठी छळ
श्रीवर्धन, ता. १ (बातमीदार) ः माणगाव तालुक्यातील दहीवली गावातील विवाहित महिलेने पतीसह सासरच्या मंडळींविरुद्ध मानसिक, शारीरिक छळाची तक्रार दाखल केली आहे. याप्रकरणी गोरेगाव पोलिसांनी पाच जणांविरोधात गुन्हा दाखल केला आहे.
लग्नानंतर पाचव्या दिवसापासूनच पीडित विवाहितेला हिणवण्यात येते होते. तसेच माहेरहून पाच लाख रुपयांची बुलेट आणावी, यासाठी दबाव टाकण्यात आल्याचे तक्रारीत नमूद आहे. याप्रकरणी गोरेगाव पोलिसांनी पती सउद निजामउद्दीन सनगे (वय ३४), सासू राबीया निजामउद्दीन सनगे (६२), सासरे निजामउद्दीन इब्राहीम सनगे (७०), अफरीन फरहान मापकर (३२) आणि नायला आतिफ राउत (२९)विरोधात भारतीय दंड संहितेच्या कलम ३५२, ३५१(२), ११५(२), ३(५) अंतर्गत गुन्हा नोंदवला आहे.