‘एनजीओ’ची स्थापना, नोंदणी व कार्यपद्धती
पुणे, ता. २० : राज्य व देशपातळीवर अनेक स्वयंसेवी संस्था (एनजीओ) कार्यरत असून, त्यांच्या माध्यमातून मोठ्या प्रमाणात रोजगारनिर्मिती झाली आहे. विविध कामांसाठी ‘एनजीओं’ना प्राधान्य दिले जात असल्याने याद्वारे विकास, व्यवसायाच्या संधी उपलब्ध होत आहेत. अशा स्वयंसेवी संस्थेची स्थापना, नोंदणी, निधीची उभारणी, कामकाज पद्धती, सीएसआरचे सहकार्य, प्रशासकीय व्यवस्थापन आदी विषयांवर सविस्तर मार्गदर्शन करणारी कार्यशाळा २६ व २७ जुलैला आयोजिली आहे. कार्यशाळेत संस्था कशी स्थापन करावी, प्रशासकीय दस्तऐवजीकरण, धर्मादाय आयोग व इतर सरकारी विभागांशी संपर्क कसा साधावा, प्रस्ताव तयार करणे व सादर करणे, कर्मचाऱ्यांची नियुक्ती, वार्षिक ताळेबंद, अहवाल कसे तयार करावेत, एनजीओद्वारे शासकीय योजनांची अंमलबजावणी, संस्था नोंदणीनंतरची कागदपत्रे याविषयी मार्गदर्शन होणार आहे.
संपर्क : ८४८४८११५४४

मोदक कार्यशाळा
महाराष्ट्राच्या लाडक्या गणेशोत्सवाची सगळेजण आतुरतेने वाट पाहात आहेत. या काळात मोदकांची मागणी वाढलेली असते. या पार्श्वभूमीवर गणरायाला आवडणारा मोदक सिक्रेट टिप्स व ट्रिक्ससह तयार करण्याची कृती प्रात्यक्षिकांसहित करून दाखवणारी व मोदक व्यवसाय करू इच्छिणाऱ्यांना तो कसा सुरू करावा याचे मार्गदर्शन करणारी कार्यशाळा २७ जुलैला आयोजिली आहे. यामध्ये मोदक व्यवसायातील संधी व त्यासाठी विविध प्रकारचे नावीन्यपूर्ण मोदक कसे तयार करावेत याचे प्रशिक्षण घेतले जाणार आहे. मोदक तयार करण्याची व्यावसायिक पद्धत, प्रिझर्वेशनच्या पद्धती, बाजारपेठेतील संधी, नफा, पॅकिंग, लेबलिंग आदींबाबत मार्गदर्शन केले जाणार आहे. कार्यशाळेत खवा, मँगो, केशर, गुलकंद, पान, शुगर फ्री, चॉकलेट, खारे, ड्रायफ्रूट, तळणीचे व उकडीचे इत्यादी मोदकांचे प्रकार शिकवले जातील.
संपर्क : ८४८४८११५४४

शेवगा लागवड, उत्पादन व निर्यात
स्थानिक तसेच आंतरराष्ट्रीय बाजारात नियमित मागणी असणाऱ्या शेवग्याचा आयुर्वेद औषधींमध्येही वापर वाढला आहे. शेवगा पिकाच्या आधुनिक लागवड पद्धती, पीक व्यवस्थापन व निर्यातीबाबत माहिती करून देणारी कार्यशाळा ३ ऑगस्टला आयोजिली आहे. यात निर्यातक्षम शेवगा उत्पादन पद्धती, आधुनिक जाती, खत व पाणी व्यवस्थापन, छाटणी, फुलोरा अवस्था, काढणी व्यवस्थापन, निर्यातीच्या संधी, निकष, ट्रेसिबिलिटी, शेवगा निर्यातीसाठी गुणवत्तेची पडताळणी, परकीय बाजारपेठ, निर्यातीसाठी शेंगांचा देठ किती व कसा ठेवावा, रसायनमुक्त उत्पादन, निर्यातीसाठी कागदपत्रांची पूर्तता, देशनिहाय निर्यातीचे नियम इ. संदर्भात नामवंत तज्ज्ञ मार्गदर्शन करणार आहेत.
संपर्क : ८४८४८११५४४