हुपरी परिसरात
एकाच दिवशी
दोन आत्महत्या

हुपरी : परिसरात आज एकाच दिवशी आत्महत्येच्या दोन घटना घडल्या. दिव्या राजेंद्र पाटील (वय १८ रा. हुपरी रोड कमानी जवळ तळंदगे) व सुरेश आप्पासो आवळे (वय ३५ रा.आण्णा भाऊ साठे नगर चंदुर इंगळी) अशी आत्महत्या केलेल्यांची नांवे आहेत. या घटनांची हुपरी पोलिस ठाण्यात झाली आहे.
तळंदगे येथील दिव्या शिक्षण घेत होती. तिने राहत्या घरी छताच्या लोखंडी पाईपला दोरीने गळफास घेऊन आत्महत्या केली. ही घटना दुपारी एकच्या सुमारास उघडकीस आली. तिच्या आत्महत्येचे कारण समजू शकलेले नाही. घटनेची वर्दी निरंजन नेताजी पाटील यांनी दिली. इंगळी येथील सुरेशने पंचगंगा नदी किनारी असलेल्या सांगले यांच्या शेतात झाडाच्या फांदीला दोरीने गळफास लावून घेतल्याची घटना घडली. ही घटना सकाळी नऊच्या सुमारास शेतात कामासाठी गेलेल्या शेतकऱ्याच्या निदर्शनास आली. सुरेश हा दोन दिवसांपूर्वी रुई येथे आपल्या बहिणीकडे गेला होता. गेल्या काही दिवसांपासून तो नैरश्यग्रस्त होता. याची वर्दी अनिल आप्पासो आवळे यांनी दिली.