86529
कोल्हापूर : राज्य वीरशैव समाजाच्या उपाध्यक्षपदी निवड झाल्याबद्दल सुनील गाताडे यांचा चंद्रकांत स्वामी यांच्या हस्ते सत्कार झाला. या वेळी राजू वाली, राहुल नष्टे आदी.

वीरशैव समाज संघटना
बळकट करणार : गाताडे
कोल्हापूर, ता. २ : वीरशैव लिंगायत समाजाची संघटना राज्यातही भक्कम करण्याचे प्रयत्न असून आपसातील मतभेद दूर करून समाजबांधवांनी एकत्र यावे, असे आवाहन महाराष्ट्र वीरशैव सभेचे उपाध्यक्ष सुनील गाताडे यांनी केले. मॉर्निंग ग्रुप व विविध संस्था- संघटनांतर्फे त्यांचा उपाध्यक्षपदी निवड झाल्याबद्दल सत्कार झाला. त्यावेळी ते बोलत होते. अध्यक्षस्थानी ज्येष्ठ कार्यकर्ते चंद्रकांत स्वामी होते.
सर्वांच्या सहकार्यानेच माझी निवड झाली असून, हा कोल्हापूर वीरशैव समाज संघटनेचा विजय आहे, असेही श्री. गाताडे म्हणाले. चंद्रकांत स्वामी यांच्या हस्ते त्यांचा सत्कार झाला. ॲड. सतीश खोतलांडे, सूर्यकांत वडगावकर, कुमार हिरेमठ, गुरुप्रसाद स्वामी आदींची भाषणे झाली.
अविनाश नाशिपुडे, संजय बोधले, सिद्धांत पाटील, अमेय हळदे, निखिल सावर्डेकर, धर्मेंद्र नष्टे, विश्वनाथ बनछोडे, अनंत सांगावकर, बी. एस. पाटील, किरण व्हनगुते आदी उपस्थित होते. वीरशैव समाजाचे सचिव राजू वाली यांनी स्वागत केले. राहुल नष्टे यांनी प्रास्ताविक केले. केतन तवटे यांनी सूत्रसंचालन केले. शिरीष साबणे यांनी आभार मानले.