बेरोजगार सेवा सहकारी संस्थांना अर्जांचे आवाहन
कोल्हापूर : हातकणंगले व चंदगड तालुक्यांतील तुर्केवाडी औद्योगिक प्रशिक्षण संस्थेसाठी प्रत्येकी एक सफाई कामगार व परिचर कामे करण्यास इच्छुक बेरोजगार सेवा सहकारी संस्थांनी बुधवारपर्यंत (ता. १२) अर्ज सादर करावेत, असे आवाहन जिल्हा कौशल्य विकास, रोजगार व उद्योजकता मार्गदर्शन केंद्राचे सहायक आयुक्त संजय माळी यांनी केले आहे. जिल्हा परिषदेच्या जिल्हा आरोग्य अधिकारीअंतर्गत जिल्हा प्रशिक्षण केंद्रातर्फे एक सफाई कामगार अकरा महिन्यांच्या कालावधीसाठी सात हजार २१९ रुपये मानधनावर नेमण्यात येणार आहे. जिल्हा आरोग्य अधिकारीअंतर्गत राष्ट्रीय आरोग्य अभियान कार्यालयातर्फे दोन परिचर अकरा महिन्यांच्या कालावधीसाठी १० हजार ४१६ रुपये प्रति कर्मचारी, तर सहायक आयुक्त, कौशल्य विकास, रोजगार व उद्योजकता कार्यालयातर्फे एक सफाई कामगार अकरा महिन्यांच्या कालावधीसाठी प्रतिदिन रुपये १९४ रुपये २५ पैसे (सुट्टीचे दिवस वगळून) मानधनावर नेमण्यात येणार आहे.