ज्येष्ठ नागरिकांची
निदर्शने
साने गुरुजी वसाहत : महापुरुषांचा अवमान करणाऱ्या प्रशांत कोरटकरला अटक झालीच पाहिजे, या मागणीसाठी आज क्रांतिसिंह नाना पाटील नगर चौकात क्रांतिसिंह नाना पाटील नगर परिसर ज्येष्ठ नागरिक सेवा संस्थेतर्फे निदर्शने करण्यात आली. यावेळी ज्येष्ठ नागरिक संघटनेचे उपाध्यक्ष गजानन विभूते म्हणाले, ’प्रशांत कोरटकर यांनी फोनवर बोललेल्या संभाषणाचा उल्लेख करत छत्रपती शिवाजी महाराज, छत्रपती संभाजी महाराज यांच्या विषयी अवमान कारक बोलण्याची ऑडिओ क्लिप व्हायरल झाली. त्याआधारे प्रशांत कोरटकर यांच्याविरोधात ताबडतोब कारवाई करत अटक करायला पाहिजे होती.‘ यावेळी संघटनेचे सेक्रेटरी चंद्रकांत बागडी व संचालक प्रकाश आमते यांनी प्रशांत कोरटकर विरोधात निदर्शने करत घोषणा दिल्या. कोरटकरला अटक झालीच पाहिजे. कोरटकरला पाठीशी घालणाऱ्या शासनाचा धिक्कार असो, अशा घोषणा दिल्या. संघटनेचे अध्यक्ष निवास नलवडे यांनी आभार मानले. यावेळी खजानीस सदाशिव पुंडे, अनिल चव्हाण, आनंदराव मांगले, राठोड काका, शालन नाळे, मनोरमा बुद्धीसागर, सुरेखा कृष्णाबाई कांबळे यांच्यासह परिसरातील नागरिक व महिला उपस्थित होत्या.