पिंपरी, ता. २४ ः रोटरी क्लब उद्योगनगरी पिंपरीच्या वतीने प्रा. रामकृष्ण मोरे प्रेक्षागृहामध्ये आयोजित केलेल्या ‘तेजोमय’ दिवाळी पहाट अवीट गोड गाणी सादरीकरणाला रसिकांनी टाळ्यांची दाद दिली. रोटरी डिस्ट्रिक ३१३१ चे प्रांतपाल संतोष मराठे, नियोजित प्रांतपाल नितीन ढमाले, क्लबचे अध्यक्ष वैभव गवळी,खजिनदार प्रमोद जाधव, माजी अध्यक्ष प्रशांत शेजवळ, प्रकल्प संचालक डॉ. सारिका लोंढे आदी उपस्थित होते. गोमू संगतीन माझ्या गो...आली माझ्या घरी ही दिवाळी, जिवा शिवा ची बैलजोडी..धुंदी कळ्यांना..,मैने तेरे लिए सात रंग के सपने चुने.., पान खायो सय्या.., इशारो.. इशारो, ओ मेरी जोहराजबी..,कजरा मुहब्बतवाला..,जानेमन जाने मन, बुगडी माझी सांडली गं..लावणी अशा अवीट गोड गाणी सादर केली. गायक राजेश दातार, चित्रा आपटे, रामेश्वरी वैशंपायन या गायकांनी गाणी सादर केली.
डॉ. शीतल-विष्णू नांदेडकर, डॉ.सारिका नीलेश लोंढे, स्वाती गुरुदास भोंडवे, भाग्यश्री गणपती फुलारी, या दांपत्यांचा सत्कार करण्यात आला. सूत्रसंचालन डॉ. गौरी पाटील तर आभार डॉ. विष्णू नांदेडकर यांनी मानले.