पिंपरी, ता. २५ : पुरोगामी चळवळीतील कार्यकर्ते नकुल भोईर यांच्या खून प्रकरणाला वेगळे वळण लागले आहे. नकुल यांचे भाऊ तुषार यांनी दिलेल्या फिर्यादीनुसार आपला भाऊ वहिनी चैतालीला वारंवार दारू पिऊ नकोस, दुसऱ्या पुरुषाबरोबर फिरत जाऊ नकोस, लोकांकडून कर्ज काढू नकोस, असे सांगायचा. या रागातून वाहिनीने आपल्या भावाला जिवे मारले.
तुषार भोईर (रा. माणिक कॉलनी, चिंचवड) यांच्या फिर्यादीतून इतरही बाबी समोर आल्या आहेत. दुसरीकडे पती आपल्या चारित्र्यावर संशय घेत असल्याने खून केल्याची कबुली चैतालीने पोलिसांना दिली. चिंचवड पोलिसांनी चैतालीला अटक केली असून तिच्यावर गुन्हा दाखल केला आहे. पोलिसांनी आणखी एकाला ताब्यात घेतले होते, मात्र चौकशीत संबंधित व्यक्ती खुनात सामील नसल्याने आढळले. त्यामुळे त्याला सोडून देण्यात आले.
व्हिसेरा राखून ठेवला
दरम्यान, नकुल यांना जिवे मारणे एकट्या महिलेला शक्य नाही, अशीही चर्चा परिसरात होती. त्यामुळे शवविच्छेदन अहवालानंतर डॉक्टरांनी नकुल यांचा व्हिसेरा राखून ठेवला असून न्यायवैद्यक प्रयोगशाळेकडे तपासणीसाठी पाठविला आहे. त्याचा अहवाल आल्यानंतर अधिक स्पष्टता येईल, असे पोलिसांनी सांगितले.
-----
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.