पिंपरी, ता. २७ : रावेतमधील साई मंगल सोसायटीत विद्यार्थ्याने राहत्या खोलीत गळफास घेऊन आत्महत्या केली. सोमवारी (ता. २७) पहाटे पावणेतीनच्या सुमारास हा प्रकार उघडकीस आला. अवधूत मोहिते (वय १८, रा. साई मंगल सोसायटी, रावेत, मुळ रा. वाखरी, ता. फलटण) असे मृताचे नाव आहे. तो रावेतमधील पीसीसीओ महाविद्यालयात बारावीत शिकत होता. सोमवारी पहाटे त्याने पंख्याला नायलॉन दोरीने गळफास घेतला. काही वेळाने खोलीतील सहकाऱ्याच्या हे लक्षात आले. त्याने शेजाऱ्यांच्या मदतीने अवधूतला जवळच्या रुग्णालयात दाखल केले, मात्र डॉक्टरांनी त्याला मृत घोषित केले. अवधूत अभ्यासू आणि शांत स्वभावाचा विद्यार्थी होता, मात्र गेल्या काही दिवसांपासून तो तणावात असल्याची माहिती त्याच्या मित्रांनी व नातेवाइकांनी दिली.
....