सोमाटणे, ता. १९ : शनिवार-रविवारची सुट्टी आणि पावसाचा जोर ओसरल्याने मावळातील पर्यटनस्थळांकडे पर्यटकांची मोठी गर्दी झाली. तसेच सुट्टीमुळे गावी जाणाऱ्या प्रवाशांची संख्या वाढल्याने आज दुपारी सोमाटणे चौकात वाहतूक कोंडी निर्माण झाली.
मावळातील पर्यटनाचा आनंद घेण्यासाठी शहरी भागातील पर्यटक मोठ्या संख्येने घराबाहेर पडून त्यांनी मावळाची वाट धरली. त्यात आणखी भर पडली ती सुट्टीमुळे गावाकडे जाणाऱ्या प्रवाशांची. परिणामी, आज दुपारी पुणे-मुंबई महामार्गावरून मावळाकडे जाणाऱ्या पर्यटकांची आणि गावी निघालेल्या प्रवाशांची वाहने सोमाटणे चौकात एकत्र आल्याने मार्ग अरुंद पडला आणि वाहतूक संथ झाली. यामुळे चौकात लांबच लांब वाहनांच्या रांगा लागल्या. याचवेळी सोमाटणे चौकात वाहतूक पोलिस नसल्याने अनेक वाहनचालकांनी आपली वाहने गर्दीत घुसवण्याचा प्रकार सुरू केल्याने वाहतूक कोंडीत आणखी भर पडली. याचा सर्वाधिक त्रास रुग्णवाहिका चालकांना रुग्ण दवाखान्यात नेताना झाला आणि रुग्णांचीही गैरसोय झाली.
PNE25V32694
---
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.