रावेत, ता. २८ : भारताचे लोहपुरुष सरदार वल्लभभाई पटेल यांच्या १५०व्या जयंतीनिमित्त पिंपरी चिंचवड पोलिस आयुक्तालयातर्फे रावेत पोलिस ठाण्याने शुक्रवारी (ता. ३१) ‘रन फॉर युनिटी’ या दौडचे आयोजन केले आहे. ‘एक धाव - देशाच्या ऐक्य आणि अखंडतेसाठी’ हे या उपक्रमाचे या ब्रीदवाक्य आहे. सकाळी सहा वाजता रावेतमध्ये हा उपक्रम होईल. म्हस्के वस्ती ते इस्कॉन मंदिर असा दौडचा मार्ग असेल. यात नागरिक, विद्यार्थी, सामाजिक संस्थांचे प्रतिनिधी, क्रीडाप्रेमींनी मोठ्या संख्येने सहभागी व्हावे. इच्छुकांनी सहाय्यक पोलिस निरीक्षक संदीप देशमुख आणि पोलिस अंमलदार दयानंद देवकर यांच्याशी संपर्क साधावा. धावपटूंना नाश्ता, चहा-पाणी मिळेल.
-----