आळंदी, ता. २६ : मुख्यमंत्री एकनाथ शिंदे यांनी आज संत ज्ञानेश्‍वर महाराजांच्या संजीवन समाधीचे दर्शन घेतले. दर्शनानंतर आळंदी देवस्थानच्या वतीने त्यांचा सन्मान विठ्ठलाची प्रतीमा असलेली सोन्याची फ्रेम देऊन करण्यात आला.
नगरविकास विभागाकडून मंजूर झालेले भक्तनिवास, इंद्रायणी घाट बांधकामाच्या भूमिपूजनासाठी एकनाथ शिंदे आळंदीमध्ये आले होते. त्यावेळी त्यांनी माउलींचे दर्शन घेतले. याप्रसंगी उद्योग मंत्री उदय सामंत, विधान परिषद उपसभापती नीलम गोऱ्हे, आळंदी देवस्थानचे विश्‍वस्त उपस्थित होते.
आळंदी देवस्थानचे विश्‍वस्त चैतन्य महाराज कबीर म्हणाले, ‘‘उपमुख्यमंत्री एकनाथ शिंदे यांनी मे महिन्यापासून आळंदी नगरीसाठी विविध कामे मंजूर केली. संप्रदायावरील असलेल्या श्रद्धेपोटी त्यांनी तत्काळ निधी मंजूर केले. त्यामुळे देवस्थानकडून हा सन्मान करण्यात आला.’’