आळेफाटा, ता. २७ ः आळेफाटा येथील बाजार समितीत रविवारी (ता. २६) ११, ४०६ कांदा पिशव्यांची आवक होऊन प्रति दहा किलो कांद्याला २२१ रुपये बाजारभाव मिळाल्याची माहिती बाजार समितीचे सभापती संजय काळे, उपसभापती प्रितम काळे, सचिव रूपेश कवडे व कार्यालय प्रमुख दिपक म्हस्करे यांनी दिली. तसेच, सुपर एक नंबर कांद्यास दहा किलोला १८० ते २०० रुपये बाजारभाव मिळाला. सुपर मिडीयम दोन नंबर कांद्यास १६० ते १८० तर तीन नंबर कांद्यास १४० ते १६० रूपये बाजारभाव मिळाला. चिंगळी कांद्यास दहा किलोला ५० ते १०० रूपये बाजारभाव मिळाला आहे. दरम्यान, रविवारी बाजारभावात एक ते दोन रूपयांनी वाढ झाल्याची माहिती कांदा व्यापारी रामदास शिंदे, तान्हाजी कुऱ्हाडे, संतोष कुऱ्हाडे, अनिल गडगे, ज्ञानेश्वर गाढवे, शिवप्रसाद गोळवा, पापा मोमीण, अरीफ पटेल यांनी दिली.