पुणे

वीजबिल, थकबाकी माफ व्हावी

CD

बावडा, ता. २० : सुरवड (ता. इंदापूर) येथील श्री भैरवनाथ पाणीपुरवठा संस्था व भांडगाव सहकारी पाणीपुरवठा संस्थेने मुख्यमंत्री देवेंद्र फडणवीस यांच्याकडे वीजबिल व थकबाकी माफ करण्याची मागणी निवेदनाद्वारे केली आहे.
मुख्यमंत्री बळिराजा मोफत वीज योजनेनुसार ७.५ अश्वशक्तीपर्यंतच्या कृषी पंपांना मोफत वीजपुरवठा आहे. मात्र, यात शेतकरी सहकारी तत्त्वावरील पाणीपुरवठा संस्थांचा समावेश नाही. त्यामुळे, अशा सहकारी पाणीपुरवठा संस्थांचे वीजबिल व थकबाकी माफ करण्याची मागणी बारामती परिमंडळाचे अधीक्षक अभियंता यांना निवेदनाद्वारे केली आहे. उपाध्यक्ष भरत कोरटकर आणि सचिव रावसाहेब घोगरे यांनी हे निवेदन दिले आहे.
इंदापूर तालुक्यातील शेकडो शेतकरी या सहकारी उपसा उपजलसिंचन योजनेद्वारे शेतीला पाणी घेतात. त्यासाठी उच्च अश्वशक्तीचे पंप वापरले जातात. प्रत्यक्षात एका शेतकऱ्याला दोन अश्वशक्तीपेक्षा जास्त वीज मिळत नाही. त्यामुळे ७.५ अश्वशक्ती मर्यादित ही योजना लागू करणे शक्य आहे. श्री भैरवनाथ सुरवड व भांडगाव सहकारी पाणीपुरवठा संस्था १९८७ मध्ये ५२५ शेतकऱ्यांनी एकत्र येऊन स्वखर्चातून सुरू केली आहे. या संस्थेने शासनाचे कोणतेही अनुदान न घेता पुणे जिल्हा बँकेकडून एक कोटी एकोणीस लाखांचे कर्ज घेतले असून भीमा नदी पात्रातून दोन स्टेजमध्ये पाणी उचलले जाते. गेल्या ३६ वर्षांपासून ही संस्था अखंडपणे शेतकऱ्यांना पाणी पुरवत आहे. मात्र वीजबिल, पाणीपट्टी, कामगारांचे वेतन व वाढता खर्च या मुळे संस्था आर्थिक अडचणीत आली आहे.
राज्यात यापूर्वी अशाच कारणामुळे अनेक पाणीपुरवठा संस्था बंद पडल्या आहेत. सध्या भीमा नदी पात्रात पाणी उपलब्ध असूनही महावितरणने थकीत वीजबिल वसुलीसाठी संस्थेचा वीजपुरवठा बंद केला आहे. त्यामुळे शेकडो एकरातील उभी पिके धोक्यात आली आहेत. या पार्श्वभूमीवर माजी सहकार मंत्री हर्षवर्धन पाटील यांनाही निवेदन देण्यात आले आहे. सहकार महर्षी मोहिते पाटील कारखान्याचे माजी उपाध्यक्ष सुरेश मेहर, नीरा भीमा कारखान्याचे उपाध्यक्ष दादासाहेब घोगरे, दादासाहेब कोरटकर, केशव सुर्वे, शिवाजी कोरटकर, महादेव तावरे, हरिदास माने यांच्यासह पदाधिकारी उपस्थित होते.


वीजपुरवठा तत्काळ सुरू करावा, सध्याच्या पाणीपुरवठा संस्थांचा थकीत बिलामुळे वीजपुरवठा बंद करण्यात आला आहे. त्यामुळे पिके वाया जात आहेत. शासनाने तातडीने वीजबिल माफ करून सवलतीच्या दराने चालू बिल स्वीकारून वीजपुरवठा त्वरित सुरू करावा.
- दत्तात्रेय घोगरे, अध्यक्ष, भैरवनाथ पाणीपुरवठा संस्था

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Manikrao Kokate Rummy Video : रमी नव्हे तर 'हा'गेम खेळत होतो… माणिकराव कोकाटेंनी काय दिलं स्पष्टीकरण?

Manikrao Kokate Rummy: कृषीमंत्री कोकाटेंच्या 'रमी' व्हिडिओनंतर ऑनलाईन गेमिंगवर बंदी येणार का? फडणवीस काय म्हणाले होते?

Ahilyanagar: डॉ. आंबेडकर पूर्णाकृती पुतळ्याचे उपमुख्यमंत्री पवारांच्या हस्ते अनावरण: संग्राम जगताप; २७ जुलैला हाेणार अनावरण

WCL 2025 Video: क्रिकेटमध्ये पुन्हा बॉल-आऊट! द. आफ्रिकेने विंडीजवर मिळवला थरराक विजय

Mumbai News: अनधिकृत बांधकामाला अधिकाऱ्यांचे प्रोत्साहन! न्यायालय अ‍ॅक्शन मोडमध्ये; कारवाईची टांगती तलवार

SCROLL FOR NEXT