बावडा, ता. १८ ः भांडगाव (ता. इंदापूर) येथील म्हसोबा देवस्थान हे भाविकांचे श्रद्धास्थान म्हणून ओळखले जाते. मात्र, या ठिकाणी जाण्यासाठी असलेल्या भांडगाव ते बावडा या रस्त्याची मोठ्या प्रमाणात दुरवस्था झाली आहे. रस्त्याची दुरुस्ती व्हावी, अशी भाविक व नागरिकांची मागणी आहे.
बावडा ते भांडगाव हा सात ते आठ किलोमीटरचा रस्ता आहे. या रस्त्यावरून मोठ्या प्रमाणात वाहनाची ये- जा होत असते. त्यातच पाऊस पडत असल्याने वाहनचालक, नागरिकांना मोठी कसरत करावी लागत आहे. या रस्त्यावर अनेक ठिकाणी जीवघेणे खड्डे पडले आहे. त्यामुळे हा रस्ता वाहतुकीसाठी धोकादायक बनला आहे. सध्या रस्त्यावर ग्रामस्थ व शेतकऱ्यांकडून स्वखर्चाने मुरूम टाकण्यात येत आहे.

00861