चाकण, ता.२० : खेड कृषी उत्पन्न बाजार समितीच्या महात्मा फुले बाजारात रविवारी (ता.२०) मेथी, कोथिंबिरीच्या सुमारे दोन लाख जुड्यांची आवक झाली. आवक वाढल्याने मेथीच्या जुडीला चक्क दोन रुपये बाजारभाव मिळाला. यामुळे शेतकऱ्यांना मातीमोल भावात मेथी विकावी लागली. कांदा दीड हजार क्विंटल तर टोमॅटोची पन्नास टन आवक झाली.

कोथिंबिरीच्या एका जुडीला दोन ते तीन रुपये बाजारभाव मिळाला. शेपूच्या पाच हजार जुड्यांची आवक झाली. शेपूच्या एका जुडीला तीन ते पाच रुपये तर पालकच्या सुमारे साडेचार हजार जुड्यांची आवक झाली. पालकच्या एका जुडीला पाच ते आठ रुपये बाजारभाव मिळाला. बाजारात कांद्याची दीड हजार क्विंटल आवक झाली. त्यास प्रतिकिलोला घाऊक बाजारात किमान १० ते कमाल १६ रुपये बाजारभाव मिळाला. जिल्ह्यातून मोठ्या प्रमाणात टोमॅटोची आवक झाली. टोमॅटोची सुमारे पन्नास टन आवक झाली. टोमॅटोला घाऊक बाजारात प्रतिकिलोला अगदी दहा ते बावीस रुपये बाजारभाव मिळाला.
कांद्याची दीड हजार क्विंटलची आवक झाली. त्यास दहा रुपये ते कमाल १६ रुपये बाजारभाव मिळाला. कांद्याचे भाव प्रतिकिलोला दहा रुपयांनी घसरले. मध्यप्रदेश राज्यातील इंदोर, उत्तर प्रदेशातील आग्रा येथून तसेच गुजरात राज्यातून बटाट्याची आवक झाली. बटाट्याची सुमारे एक हजार पाचशे पन्नास क्विंटल आवक झाली. बटाट्याला प्रतवारीनुसार तसेच दर्जा नुसार किमान १३ते १५ रुपये बाजारभाव मिळाला, अशी माहिती खेड कृषी उत्पन्न बाजार समितीचे सभापती विजय शिंदे, उपसभापती क्रांती सोमवंशी, सचिव बाळासाहेब धंद्रे यांनी दिली.

मिरचीची ५० टन आवक
हिरव्या मिरचीची दिल्लीतून तसेच बुलढाण्याहून ५० टन आवक झाली. हिरव्या मिरचीला प्रतिकिलोला किमान ६० ते कमाल ७० रुपये बाजारभाव मिळाला.
किरकोळ बाजारात हिरवी मिरची शंभर रुपये प्रतिकिलोने विकली जात आहे.

फळभाज्यांचे भाव पुढील प्रमाणे (प्रतिकिलोचे भाव) : टोमॅटो : १५-२५, कारली : २०-४०, दोडका : ३५-४५, भेंडी : ३०-४०, गवार : ७०-१००, कोबी :१४-१८, फ्लॉवर : १२ ते १८, वांगी : २०-३०, काकडी : १० -२०, दुधी भोपळा : १५ -२५, शेवगा : ३०-४०, ढोबळी मिरची : ५०-६०, चवळी :३०-४०, हिरवा वाटाणा : १००-१२०, गाजर : १५ -२०.

08859