सासवड शहर, ता. १७ ः सासवड बार असोसिएशन व महाराष्ट्र विधी सेवा प्राधिकरणाच्यावतीने मोबाईल व्हॅन लोकअदालत व कायदेविषयक शिबिर पार पडले.
यावेळी निवृत्त जिल्हा न्यायाधीश एस. के. पटणी हे अध्यक्ष होते. सासवड न्यायालयाचे सहन्यायाधीश टी. पी. मोटे, आर. ए. सावंत हे उपस्थित होते. यावेळी ॲड. तेजस खाडे व ॲड. स्वाती शिवतारे यांनी पंच म्हणून काम पाहिले. मोबाईल व्हॅन लोकन्यायालयात १७ दावे समजुतीने मिटले तसेच १६ लाख ८९ हजार रुपये वसूल झाले. ॲड. महेश बारटक्के यांनी मेडीएशन विषयावर आणि ॲड. प्रकाश खाडे यांनी लोकन्यायालय या विषयावर पक्षकार यांना मार्गदर्शन केले. यावेळी सासवड बार असोसिएशनचे अध्यक्ष ॲड. चंदन मेमाणे, सचिव ॲड. परेश इभाड, ॲड. अबरार बागवान आदी उपस्थित होते.

फोटो ः 11244