नायगाव, ता. १२ : श्री क्षेत्र नायगाव (ता. पुरंदर) येथील अखंड हरिनाम सप्ताहाची बुधवारी (ता. १२) जगन्नाथ महाराज पाटील (मुंबई) यांच्या काल्याच्या कीर्तनाने सांगता झाली. तसेच अष्टमी निमित्त भाविकांनी श्री सिद्धेश्वर महाराज व माता जोगेश्वरी यांचा भाविकांनी दर्शनाचा लाभ घेतला.
कार्तिक पौर्णिमेच्या दुसऱ्या दिवशी या सप्ताहाची सुरुवात झाली. अखंड हरिनाम सप्ताह काळात गुरुवारी (ता. ६) ज्ञानेश्वर महाराज कदम(आळंदी), शुक्रवार (ता. ७) पांडुरंग महाराज उगले (बीड), शनिवारी (ता. ८) विलास महाराज गेजके (गंगाखेड), रविवार (ता. ९) निवृत्ती महाराज देशमुख (इंदोरीकर), सोमवार (ता. १०) महादेव महाराज राऊत (बीड), मंगळवार (ता. ११) शिवाजी महाराज बावसकर (बुलढाणा) यांची कीर्तने झाली. काल्याच्या कीर्तनानंतर महाप्रसादाचे आयोजन करण्यात आले होते. या सप्ताहात पहाटे चार ते सहा काकड आरती, सकाळी सात ते आठ श्री सिद्धेश्वर महाराज नित्य आरती, सकाळी आठ ते अकरा ग्रंथराज ज्ञानेश्वरी, शिवलीलामृत, भगवतगीता ग्रंथाचे सामुदायिक पारायण, गाथ्यावरील भजन, सायंकाळी पाच ते सहा हरिपाठ, रात्री सात ते नऊ कीर्तन, रात्री बारा ते चार हरिजागर असे कार्यक्रम झाले, अशी माहिती अखंड हरिनाम सप्ताहाचे अध्यक्ष दिलीप मोरे व आयोजकांच्या वतीने देण्यात आली.