पिंपळवंडी, ता.२६ : काळवाडी (ता. जुन्नर) येथे केळी क्लस्टर निर्मिती शिबिराचे शुक्रवारी (ता.२५) आयोजन करण्यात आले होते. यावेळी केळी पिकास शासन मनरेगामधून हेक्टरी १९००० एवढे अनुदान देण्यात येणार आहे. यामध्ये कुशल व अकुशल अशी विभागणी करण्यात आली आहे. खड्डा खोदणे, पिकाला पाणी देणे आदी कामांसाठी प्रोत्साहन पर निधी उपलब्ध करून देण्यात येईल, अशी माहिती तालुका कृषी अधिकारी गणेश भोसले यांनी सांगितली. हे शिबिर यशस्वी करण्यासाठी कृषी सहाय्यक दीपाली ढोले व डेक्कन व्हॅली एफपीसीचे सुनील वामन यांनी विशेष प्रयत्न केले. याप्रसंगी आमदार सोनवणे यांच्या पत्नी सीमा सोनवणे, जुन्नरचे गटविकास अधिकारी विठ्ठल भोईर, मंडळ कृषी अधिकारी राणू आंबेकर,सरपंच तुषार वामन, उपसरपंच, बाबासाहेब वामन. सुभाष विद्या मंदिराचे माजी प्राचार्य एम. डी. वामन, ग्रामोन्नती मंडळ अध्यक्ष महिंद्र वामन,पोलिस पाटील शुभांगी काकडे, सदस्य सोमनाथ वामन, माजी सरपंच अंजली वामन, डिसेंन्ट फाउंडेशनचे जितेंद्र बिडवई, आदिनाथ चव्हाण, डेक्कन व्हॅली शेतकरी उत्पादक कंपनीचे अजय बेल्हेकर, मनोज वामन आदी उपस्थित होते. समीर वामन यांनी सूत्रसंचालन केले तर आभार तुषार वामन यांनी मानले.