उंडवडी, ता. २० : बारामती- पाटस रस्त्यावरील जराडवाडी (ता. बारामती) येथे आठवा मैलजवळ दोन दुचाकींची समोरासमोर धडक होऊन झालेल्या अपघातात दोन दुचाकीस्वार जागीच ठार झाले, तर एक महिला गंभीर जखमी झाली. रविवारी (ता. २०) सायंकाळी सव्वाचारच्या सुमारास हा अपघात झाला.
रविवारी सायंकाळी सव्वाचारच्या दरम्यान श्री संत तुकाराम महाराज पालखी महामार्गावरून जराडवाडी येथून स्प्लेंडर दुचाकी(क्र. एम.एच. ४२ व्ही. ३२१९) दुचाकी बारामतीच्या दिशेने निघाली होती. यावेळी समोरून ॲक्टिव्हा दुचाकी (क्र. एम.एच. १४ जे.जी. ९२०६) बारामतीकडून पाटसकडे निघाली होती. या दोन दुचाकी समोरासमोर एकमेकांवर जोरदार आदळल्या.
यामध्ये स्प्लेंडर दुचाकीवरील शरद (नाना) दत्तात्रेय मोरे (वय ३६, रा. सोनवडी सुपे, ता. बारामती) व ॲक्टिव्हावरील ज्ञानेश्वर बबन वलेकर (वय ४२, रा. दहिगाव, ता. माळशिरस, जि. सोलापूर) यांचा जागीच मृत्यू झाला. ऑक्टिव्हावर मागे बसलेली त्यांची पत्नी अक्कामाई ज्ञानेश्वर वलेकर (वय ३९) या गंभीर जखमी झाल्या आहेत. त्यांना उपचारासाठी बारामतीतील खासगी रुग्णालयात दाखल केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.