पुणे, ता. ३१ : विविध मंडळे, कार्यक्रमांत ढोल-ताशा वादन करून नवरात्रोत्सवात जमा केलेला धान्यरुपी जोगवा दिवाळीच्या निमित्ताने सामाजिक संस्थांना देऊन विघ्नहर्ता ढोल-ताशा पथकाने वंचितांची दिवाळी गोड केली. भोर वेळवंड येथील समर्थ विद्या प्रसारक मंडळी, वाघोली येथील लुई ब्रेल अंध अपंग कल्याणकारी संस्था या सामाजिक संस्थांना हा धान्यरुपी जोगवा देण्यात आला. शुक्रवार पेठेतील सेवा मित्र मंडळ गणेश मंदिरासमोर शिधा प्रदान कार्यक्रमाचे आयोजन केले होते. यावेळी ढोल-ताशा महासंघ महाराष्ट्रचे अध्यक्ष पराग ठाकूर, खडक पोलिस ठाण्याचे उपनिरीक्षक अभिजित पवार, कुमार रेणुसे, शिरीष मोहिते, महेश जगताप, सेवा मित्र मंडळाचे अध्यक्ष पराग शिंदे, उमेश कांबळे आदी उपस्थित होते. तब्बल ९५० किलो धान्य संस्थांना देण्यात आले. पथकाचे अ‍ॅड. वृषाली जाधव-मोहिते, विराज मोहिते, गौरव देवकर, विद्या मोहिते, सचिन गायकवाड, निधी पोटे, उमेश चंद्रगी, सार्थक कामठे, अश्वजीत अष्टिगे, सिद्धेश्वर दळवी, रोहन भिल्लरकर आदींनी संयोजनात सहभाग घेतला.