जैन बोर्डिंगच्या जागेचा खरेदी व्यवहार रद्द व्हावा, यासाठी मुख्यमंत्री देवेंद्र फडणवीस यांनी लक्ष घातले आहे. उद्या (ता. २८) होणाऱ्या सुनावणीमध्ये हा व्यवहार रद्द करण्यात येणार असल्याचे आश्‍वासन फडणवीस यांनी दिले आहे. जैन कार्यकर्ते लक्ष्मीकांत खाबिया म्हणाले, ‘‘जैन बोर्डिंग विक्रीचा व्यवहार रद्द व्हावा, अशी मागणी आम्ही केली होती. मुख्यमंत्र्यांनी आमची मागणी लक्षात घेऊन न्याय दिला. उद्या होणाऱ्या सुनावणीमध्येही त्यांनी व्यवहार रद्द केला जाईल, असे आश्‍वासन दिले आहे. ते आश्‍वासन पूर्ण करतील, असा आम्हाला विश्‍वास आहे.’’