पुणे, ता. १ ः शालेय विद्यार्थिनीला आमिष दाखवून तिच्यावर अत्याचार केल्याप्रकरणी एकावर हडपसर पोलिसांनी गुन्हा दाखल केला. या प्रकरणी संदीप मोहन चव्हाण (वय २३, रा. थिटे वस्ती, खराडी) याच्यावर गुन्हा दाखल करण्यात आला. याबाबत एका महिलेने हडपसर पोलिस ठाण्यात फिर्याद दिली आहे. पोलिसांनी दिलेल्या माहितीनुसार, तक्रारदार महिलेच्या मुलीला आरोपी संदीप चव्हाणने मैत्रीच्या जाळ्यात ओढले. त्याने तिला विवाहाचे आमिष दाखवून तिच्यावर अत्याचार केला. घाबरलेल्या मुलीने याबाबतची माहिती आईला दिली. त्यानंतर आरोपी चव्हाणवर गुन्हा दाखल करण्यात आला आहे. पोलिस उपनिरीक्षक नवनाथ बिनवडे गुन्ह्याचा तपास करत आहेत.