शिर खुरम्याने करा ईदचा दिवस गोड : पाहा रेसिपी

मुंबई : ईदच्या सणानिमित्त शिर खुरमा करण्याची परंपरा आहे. यासाठी २०० ग्रॅम शेवया, २ लीटर दूध, दोन कप साखर, पाच छोट्या वेलची, चिमूटभर केशर, इत्यादी जिन्नसांची आवश्यकता असते.

आधी एका नॉन स्टीक पॅनमध्ये मध्यम आचेवर तूप गरम करून घ्यावे. त्यात शेवया घालून त्या सोनेरी होईपर्यंत भाजाव्यात.

मध्यम आचेवर दूध गरम करावे. वेलची आणि केशर घालून दूध अर्धे होईपर्यंत आटवा.

आटवलेल्या दुधात साखर घालावी. ते खाली लागू नये यासाठी ढवळत राहावे.

शेवया आणि सुका मेवा घालून ५ मिनिटे शिजवावे.

आता तयार झालेल्या शिर खुरमावर काजू-बदाम घालून त्याला सजवावे. आता शिर खुरमा खाण्यासाठी तयार आहे.