महाराष्ट्राच्या मुख्यमंत्र्यांचा मुलगा असूनही रितेशनं अभिनयात घडवलं 'करिअर'

सकाळ डिजिटल टीम

अभिनेता रितेश देशमुख (Riteish Deshmukh) दिवंगत विलासराव देशमुख (Vilasrao Deshmukh) यांचा मुलगा आहे. विलासराव देशमुख हे महाराष्ट्राचे मुख्यमंत्री राहिले आहेत.

रितेशला अमित देशमुख (Amit Deshmukh) आणि धीरज देशमुख (Dheeraj Deshmukh) असे दोन भाऊ असून ते दोघेही राजकारणात आहेत.

राजकीय कुटुंबातील असूनही रितेशनं वेगळं होऊन अभिनेता होण्याचं ठरवलं. रितेशनं जेव्हा त्याच्या करिअरला सुरुवात केली, तेव्हा सर्वांना वाटत होतं, की तो या इंडस्ट्रीत आपलं नाव कमावू शकणार नाही.

मात्र, रितेशनं या सर्वांची तोंडं बंद केली. आज रितेशला अभिनय क्षेत्रात 19 वर्षे झाली आहेत.

रितेशनं आपल्या करिअरची सुरुवात 2003 मध्ये 'तुझे मेरी कसम' (Tujhe Meri Kasam) या चित्रपटातून केली होती. या चित्रपटात रितेशसोबत जेनेलिया डिसूजाही होती.

'तुझे मेरी कसम' या चित्रपटातून दोघांनी बॉलिवूडमध्ये पदार्पण केलं. या दोघांची जोडी प्रेक्षकांना खूप आवडली होती.

रितेशनं त्याच्या करिअरच्या सुरुवातीला कॉमेडी भूमिका केल्या आहेत. पण, नंतर रितेशनं खलनायक बनून प्रयोग करण्याचं ठरवलं.

रितेशनं अनेक चित्रपटांत खलनायकाची भूमिका साकारलीय. विशेष म्हणजे, रितेशनं खलनायक बनूनही प्रेक्षकांची मने जिंकली आहेत.

अभिनयात उत्कृष्टता दाखवल्यानंतर रितेशनं निर्माता म्हणूनही काम केलं. 2013 मध्ये त्यानं मुंबई फिल्म कंपनी नावानं त्याचं प्रोडक्शन हाऊस सुरू केलंय.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Riteish Deshmukh