Vrushal Karmarkar
भावा-बहिणीच्या बालपणीच्या आठवणी, लहान लहान भांडणे, अतूट प्रेम आणि विश्वास यांचे नाते जगात खूप खास आहे. हे नाते आणखी दृढ करण्यासाठी दरवर्षी रक्षाबंधनाचा सण साजरा केला जातो.
हा सण शनिवारी, ९ ऑगस्ट रोजी मोठ्या थाटामाटात साजरा केला जात आहे. सकाळपासूनच घरांमध्ये एक वेगळाच उत्साह दिसून येत आहे.
काहींना त्यांच्या भावाच्या घरी पोहोचण्याची घाई आहे, तर काहींना त्यांच्या बहिणीच्या येण्याची वाट पाहत आहेत. सर्वत्र हा सण आनंदात साजरा होत आहे.
तर या आजच्या दिवशी एका भावाबहिणीची चर्चा होत आहे. १०० वर्षांच्या बहिणीने १०४ वर्षांच्या भावाला राखी बांधली आहे. याचे फोटो व्हायरल होत आहेत.
अहिल्यादेवीनगर जिल्ह्यातील राहुरी तालुक्यात १०० वर्षांच्या पार्वतबाई भुजाडी यांनी त्यांचे १०४ वर्षांचे भाऊ एच.पी. नारायण दौळे यांना राखी बांधली.
या दोघांनीही वयाच्या शंभरीचा आकडा पार केला आहे. तरी त्यांचे नाते अजून तेवढेच अतूट आहे. या दोघांचेही फोटो सोशल मीडियावर व्हायरल होत आहे.
हा रक्षाबंधनाचा एक अनोखा उत्सव होता. जिथे भाऊ आणि बहीण दोघांनीही वयाच्या असूनही त्यांचे अतूट बंधन प्रदर्शित केले आहे.
या शतायुषी रक्षाबंधनाची सर्वत्र चर्चा होत आहे. याचे अनेक जण कौतुक करत आहेत. तसेच हा क्षण सर्वांच्या आयुष्यात व्हावा, अशी पार्थना करत आहेत.