कुरकुरीत आणि मोकळी भेंडी हवी? स्वयंपाक करताना या टिप्स वापरा

हॉटेलसारखी चमचमीत भेंडी घरी करा!

भेंडीची भाजी चिकट आणि गचगचीत होते? मग या ४ सोप्या टिप्स नक्की फॉलो करा. भाजी होईल मोकळी, कुरकुरीत आणि चविष्ट!

भेंडी चिरण्याआधी धुवा

भेंडी चिरण्यापूर्वीच धुऊन घ्या. धुतल्यानंतर सुती कपड्याने ती पूर्णपणे पुसून कोरडी करा. भेंडीवर पाणी राहिल्यास चिरताना चिकटपणा वाढू शकतो.

भेंडी कोरडी असणं महत्त्वाचं

भेंडी पूर्णपणे कोरडी झाल्यानंतरच चिरा. तुकडे मध्यम आकाराचे ठेवा. खूप बारीक चिरल्यास भेंडीतील चिकटपणा अधिक जाणवू शकतो.

भाजी झाकून शिजवू नका

फोडणी दिल्यानंतर भेंडी लगेच झाकू नका. झाकणामुळे तयार होणारी वाफ भाजीमध्ये पाणी सोडू शकते. त्यामुळे भेंडी उघडी ठेवून मंद किंवा मध्यम आचेवर शिजवा.

मीठ शेवटी घाला

भेंडी शिजवताना सुरुवातीलाच मीठ घालणे टाळा. मीठामुळे भेंडी पाणी सोडू शकते आणि चिकटपणा वाढू शकतो. त्यामुळे भाजी जवळपास शिजल्यावर शेवटी मीठ घाला.

लिंबू किंवा आमचूरची कमाल!

भेंडीचा चिकटपणा कमी करण्यासाठी शिजताना थोडा लिंबाचा रस किंवा आमचूर पावडर वापरू शकता. यामुळे भाजीला चटपटीत चवही मिळते.

आता भेंडी होईल एकदम मोकळी!

भेंडी कोरडी ठेवणे, योग्य आकारात चिरणे, झाकण न ठेवता शिजवणे आणि मीठ शेवटी घालणे या टिप्समुळे भेंडीची भाजी मोकळी, सुटसुटीत आणि चविष्ट बनवण्यास मदत होईल.

खोबरेल तेल केसांवर लावताय? वापरण्याआधी 'हे' वाचा