Sudesh
पृथ्वीच्या उत्तर ध्रुवाजवळच्या भागाला आर्क्टिक सर्कल म्हणतात. याठिकाणी मोठ्या प्रमाणात ग्लेशियर आहेत.
अगदी उन्हाळ्याच्या दिवसांमध्येही याठिकाणी बर्फाची जमीन पहायला मिळते.
मात्र, सध्या जागतिक तापमानवाढीमुळे याठिकाणचे ग्लेशियर्स मोठ्या प्रमाणात वितळत आहेत.
एका संशोधनात असा अंदाज वर्तवण्यात आला आहे, की येत्या दहा वर्षांमध्येच परिस्थिती अगदी गंभीर होऊन जाईल.
येत्या दहा वर्षांच्या आत उन्हाळ्यात आर्क्टिक सर्कलवर बर्फ दिसणं बंद होईल. नेचर रिव्ह्यू अँड अर्थ या जर्नलमध्ये हा रिसर्च प्रसिद्ध झाला आहे.
वैज्ञानिकांनी म्हटलं आहे, की आता परिस्थिती उपाय करण्याच्या पलीकडे गेली आहे. त्यामुळे पुढील दहा वर्षांमध्ये ग्लेशियर वितळणं नक्की आहे.
याचा अर्थ असा नाही की आर्क्टिक अगदीच गायब होऊन जाईल. वैज्ञानिक भाषेमध्ये बर्फ नष्ट होण्याचा वेगळा अर्थ आहे.
जेव्हा आर्क्टिकवर केवळ 10 लाख वर्ग किलोमीटर बर्फ उरतो, तेव्हा त्याला शून्य बर्फ समजलं जातं. सध्या याठिकाणी 33 लाख वर्ग किलोमीटर बर्फ आहे.