Pranali Kodre
भारतीय महिला आणि दक्षिण आफ्रिका महिला संघात १६ जूनपासून ३ सामन्यांची वनडे मालिका सुरू झाली आहे.
या मालिकेच्या पहिल्याच सामन्यात भारतीय संघाने १४३ धावांनी दणदणीत विजय मिळवला.
दरम्यान, या सामन्यातून भारतीय संघाकडून लेग स्पिनर आशा शोभनाने वनडे पदार्पण केले. तिने हे पदार्पण करताना एक अनोखा विक्रमही केला.
तिने हे पदार्पण केले तेव्हा म्हणजे १६ जून २०२४ रोजी तिचे वय ३३ वर्षे ९२ दिवस इतके होते.
त्यामुळे ती भारतीय महिला संघाकडून वनडेत पदार्पण करणारी सर्वात वयस्कर खेळाडू ठरली.
यापूर्वी हा विक्रम सीमा पुजारेच्या नावावर होता, तिने २००८ मध्ये ३१ वर्षे २३८ दिवस वय असताना श्रीलंकेविरुद्ध वनडे पदार्पण केले होते.
इतकेच नाही तर आशा शोभना मे महिन्यात भारतीय महिला संघाकडून टी२० पदार्पण करणारीही सर्वात वयस्कर खेळाडू ठरली होती.
दरम्यान, आशाने तिचे वनडे पदार्पण गाजवले आहे. तिने दक्षिण आफ्रिकेविरुद्ध ८.४ षटके गोलंदाजी करताना २१ धावा खर्च करत ४ विकेट्स घेतल्या.