सकाळ डिजिटल टीम
पावसाळ्यात बुरशीजन्य संसर्गाचा धोका मोठ्या प्रमाणात वाढतो. त्यामुळे पावसाळ्यात गजकर्ण, खाज, खरूज यासारख्या समस्या मोठ्या प्रमाणात वाढतात.
अशात, बुरशीजन्य संसर्गापासून स्वतःचे संरक्षण करणे खूप महत्वाचे आहे.
म्हणून, आरोग्य तज्ज्ञांच्या सल्ल्यानुसार काही टिप्स जाणून घेऊया, ज्यामुळे बुरशीजन्य संसर्ग टाळण्यास मदत होईल.
पावसाळ्यात हवेतील आर्द्रता वाढते, त्यामुळे भरपूर घाम येतो आणि अशा ओलसर ठिकाणी बुरशीची वाढ होते.
म्हणून, सैल सुती कपडे घाला, ज्यामुळे तुम्हाला घाम कमी येतो आणि त्वचा लवकर कोरडी होते.
जर तुम्हाला खूप घाम येत असेल तर घामाने भिजलेले कपडे जास्त वेळ घालू नका, त्याऐवजी कपडे बदलत राहा.
त्याचप्रमाणे शरीराच्या काही भागांना जसे अंडरआर्म्स, गुडघ्याच्या मागे आणि कोपरांना जास्त घाम येतो. त्यामुळे ही ठिकाणे वेळोवेळी पुसत राहा, जेणेकरून घामामुळे तेथे बुरशीची वाढ होऊ नये.
जर तुम्हाला बुरशीजन्य संसर्ग झाला असेल तर त्या भागात खाजवू नका. यामुळे संसर्ग वाढू शकतो. त्यामुळे अजिबात खाजवू नका.