सकाळ डिजिटल टीम
आपल्या आवाजाने रसिकांना वेडे करणाऱ्या अलका याज्ञिक यांचा आज वाढदिवस आहे. त्यांचा जन्म 20 मार्च 1966 रोजी कोलकाता येथे झाला होता.
बालपणीच अलका यांना आई शुभा यांच्याकडून शास्त्रीय संगीताचे धडे मिळाले. घरातील संगीतमय वातावरणामुळे त्यांची संगीताची आवडही वाढली आणि त्यांनी संगीताच्या दुनियेत जादू केली.
1980 मध्ये अलका याज्ञिक यांनी 'पायल की झंकार' चित्रपटासाठी पहिले गाणे गायले होते. यानंतर त्यांनी 1981 मध्ये आलेल्या 'लवारीस' चित्रपटासाठी 'मेरे अंगने में' हे गाणे गायले.
अलका यांना पहिला मोठा मोठा ब्रेक 'तेजाब' चित्रपटातून मिळलाला. त्यांनी 'एक दो तीन' हे गाणे गायले आणि त्यांच्या आवाजाने लोक मंत्रमुग्ध झाले.
अलका यांनी बिझनेसमन नीरज कपूर यांच्याशी १९८९ मध्ये लग्न केले. पण काही काळातच दोघेही एकमेकांपासून विभक्त झाले. त्या २५ वर्षांपासून मुंबईत पतीपासून विभक्त राहतात.
अलका या बॉलीवूडच्या प्रसिद्ध पार्श्वगायिका आहेत पण त्यांची मुलगी सायशा नेहमीच चित्रपटसृष्टीपासून दूर असते.
अलका यांनी आतापर्यंत 700 चित्रपटांसाठी गाणी गायली आहेत. कुमार सानू आणि उदित नारायण यांच्यासोबत त्यांनी सर्वाधिक गाणी गायली आहेत.