Sudesh
सध्या Botswana हा देश भरपूर चर्चेत आहे. याला कारण म्हणजे या देशाने जर्मनीला दिलेली धमकी.
आपल्या देशातील तब्बल 20 हजार हत्ती आपण जर्मनीला 'भेट' देऊ, अशी धमकी या देशाने दिली आहे.
बोट्सवाना देशात जगातील सर्वाधिक हत्ती आढळतात. या देशात सुमारे 1 लाख 30 हजार हत्ती आहेत.
जर्मनीने 'ट्रॉफी हंटिंग'वर बंदी आणण्याचा पवित्रा घेतल्यामुळे बोट्सवानाने ही धमकी दिली आहे.
हत्तींची शिकार केल्यामुळे बोट्सवाना देशाला मोठ्या प्रमाणात रेव्हेन्यू उपलब्ध होतो. तसंच हत्तींची संख्याही नियंत्रणात राहते.
मात्र, जर्मनीने नवीन नियम लागू केल्यास हत्तींची संख्या नियंत्रणाबाहेर जाण्याची भीती आहे.
सध्या बोट्सवानामध्ये असलेली हत्तींची संख्याही भरपूर आहे. हा देश केवळ 50 हजार हत्तींना सांभाळू शकतो. मात्र तिथे सध्याची संख्या ही यापेक्षा दुप्पट आहे.
बोट्सवानाने 2014 साली हत्तींची शिकार बॅन केली होती. मात्र हत्तींची संख्या भरमसाठ वाढल्यामुळे 2019 साली ही बंदी हटवण्यात आली.