सकाळ डिजिटल टीम
गोकाक : घटप्रभा नदी कोरडी पडल्याने जनतेला व जनावरांना पिण्याच्या पाण्याची समस्या निर्माण झाली होती.
ही समस्या दूर करण्यासाठी बेळगाव प्रादेशिक आयुक्तांच्या आदेशाद्वारे सोमवारी (ता. १९) रोजी हिडकल जलशयातून चार हजार क्युसेक पाणी सोडले आहे.
त्यामुळे गोकाक धबधब्यावरून पाणी कोसळत असून धबधबा प्रवाहित झाला. ऐन उन्हाळ्यात धबधबा प्रवाहित होऊन निसर्ग सौंदर्य खुलले आहे.
बेळगाव, विजापूर, बागलकोट जिल्ह्यातील जनतेने अलीकडे सार्वजनिक बांधकाम तथा बेळगावचे पालकमंत्री सतीश जारकीहोळी यांची भेट घेऊन जलाशयातून पाणी सोडण्याची विनंती केली होती.
नदीद्वारे दोन टीएमसी व घटप्रभा उजव्या कालव्याद्वारे दोन टीएमसी असे घटप्रभा नदीत चार हजार क्युसेक पाणी प्रवाहित झाले आहे.
सध्या हिडकल येथील राजा लखमगौडा जलाशयात ३०.४६ टीएमसी पाणीसाठा असून, गतवर्षी याच काळात २३.१६ टीएमसी साठा होता.
यंदा हिडकल जलाशय पाणलोट क्षेत्रात पुरेशा पावसाअभावी जलाशय पूर्ण क्षमतेने भरले नाही.