Sudesh
फ्रान्सचे राष्ट्राध्यक्ष इमॅन्युएल मॅक्रॉन सध्या ब्राझील दौऱ्यावर आहेत. ब्राझीलचे राष्ट्राध्यक्ष लुला दा सिल्व्हा यांच्यासोबत त्यांनी एक फोटोशूट केलं.
या दोन्ही राष्ट्राध्यक्षांचे फोटो सध्या सोशल मीडियावर मोठ्या प्रमाणात व्हायरल होत आहेत.
या दोघांचे फोटो हे चक्क 'प्रीवेडिंग शूट' वाटत असल्याच्या प्रतिक्रिया कित्येक नेटिझन्स देत आहेत.
मॅक्रॉन यांच्या या दौऱ्यामध्ये कित्येक महत्त्वाच्या करारांची आणि निर्णयांची घोषणा झाली.
यामधील एक महत्त्वाचा करार अमेझॉनच्या जंगलाच्या संरक्षणाबाबत होता. याच जंगलामधील दोघांचे फोटो व्हायरल होत आहेत.
यावेळी या दोघांनी एक नवी पाणबुडी देखील लाँच केली. फ्रेंच तंत्रज्ञान वापरुन ही पाणबुडी ब्राझीलमध्ये तयार करण्यात आली आहे.
अमेझॉन प्रकल्पाची माहिती देतानाचा एक व्हिडिओही मॅक्रॉन यांनी पोस्ट केला आहे. यामध्ये हे दोघे समुद्र किनारी दिसत आहेत.