Monika Lonkar –Kumbhar
आजकाल अनेक जण निरोगी राहण्यासाठी विविध प्रकारचे डाएट प्लॅन्स फॉलो करतात आणि व्यायाम करतात.
काही जण जिममध्ये जाऊन वर्कआऊट करतात तर काही जण योगा किंवा इतर व्यायाम प्रकारांची मदत घेतात.
यासोबतच आहाराची देखील विशेष काळजी घेतली जाते. आजकाल विविध प्रकारचे डाएट प्लॅन्स फॉलो केले जातात.
या डाएटपैकी एक असलेले वीगन डाएट अनेक जण फॉलो करतात. वीगन डाएटमध्ये प्राणी किंवा त्यांचा वापर करून बनवण्यात आलेले पदार्थ किंवा उत्पादने खाल्ली जात नाहीत.
वीगन डाएटमध्ये फक्त आणि फक्त वनस्पतींपासून बनवण्यात आलेल्या खाद्यपदार्थांचा समावेश केला जातो. हे वीगन डाएट फॉलो केल्यानंतर आपल्या शरीरात काही बदल होण्याची शक्यता असते. हे बदल सकारात्मक किंवा नकारात्मक देखील असू शकतात.
अनेक जण वजन कमी करण्यासाठी वीगन डाएटचा आधार घेतात. वीगन डाएट चालू केल्यानंतर अवघ्या काही दिवसांमध्ये त्यांचे वजन कमी होण्याची शक्यता असते.
जेव्हा तुम्ही वीगन डाएट चालू करता तेव्हा, सर्वात आधी तुमच्या शारिरीक ऊर्जेच्या पातळीत वाढ झाल्याचा बदल जाणवतो. काही दिवसांमध्येच तुम्हाला पूर्वीपेक्षा जास्त उत्साही आणि हलके वाटू लागते.